Har galli mein ruh dikhti hai,
Har imarat se chaah hoti hai,
Har sur pukarti hai mujhe,
Kehti, chal ankahi khwaishon se baatein kare, Chal, kahi aur duniya basaye.

Duniya ka kya hai, chalti rahegi,
Rishton ka kya hai, mitte rahenge,
Gham ka kya hai, rulati rahegi,
Khushiyon ka kya hai, aati rahegi.

Rang dekhe hai? Hawa ke rang?
Gunj suni hai? Awazon ki gunj?
Wo chahak, wo kilkariya,
Wo dubta hua suraj,
Saare pukarti hai mujhe,
Chal, kahi gum ho jaye,
Chal, kahi aur duniya basaye.

Ab aasuye aur rote nahi,
Ab khushiya aur hasati nahi.
Ab dilein baatein nahi karti,
Ab muskurahatein baatein nahi chupati.
Bas ye purvaiyyi hawa ka jhoka,
Mann ko fusla hi leti hai.
Shararti hai ye hawa,
Kahti, chal mitti mein mil jaye,
Chal kahi aur duniya basaye.

Advertisements